当我做错嘢被打到喊：
我老母：我数三声，你同我收声
当我问我阿妈我系从边度黎嘅：
我老母：系垃圾堆入边拣翻黎嘅
过年当我收完利是：
我老母：乖囡，阿妈先帮你收着，以后买衫交学费
当我令到我阿妈唔开心时：
我阿妈：死仔，生旧叉烧都好过生你啦
当我考试成绩唔好：
我阿妈：隔离陈师奶个仔读书都唔知几叻
当我数学点教都唔识：
我妈话：你系咪猪脑黎噶，咁样都唔识，死蠢
当我一次又一次犯错时：
我阿妈：你个扑街仔，次次都系甘，小心我打鸠你
妈，我想买xxx：
我老母：下次帮你买啦，乖o(*^＠^*
)o
当我去学校快迟到时：
我阿妈：吊颈都要抖吓气，急乜嘢嗟
当我驳嘴时：
我阿妈：第二样野冇见你咁叻，驳嘴你就最叻
除咗呢d，仲有
1.早D訓啦, 晚晚都咁夜訓, 聽朝返工/返學唔夠精神呀
——不如你早D訓聽朝準時叫醒我啦
2.睇電視唔好坐咁埋呀, 睇壞對眼呀
——阿媽, 太遲啦,就係對眼壞左先要坐咁埋睇
3.叫佐你唔好夜晚洗頭, 第二日老佐你就知
——第二日咁快就老？
4.得閒帶個女仔返黎食飯啦
——帶男仔得唔得？
5.
我：“今晚又我洗碗啊？”
妈：“你个衰仔好意思讲得出嘅？我辛辛苦苦煮餐饭俾你地食，食完中想唔做野！我煮个阵又唔见你出黎帮下手，一日净喺识得对住部电脑。无益架！鬼甘多辐射，夜晚又夜训，挨埋D夜你估好得戚咩！仲有吖……（以下省略1000字）”
6.
妈：“去佐边到啊？”
我：“出街咯。”
妈：“边度街啊？”
我：“同朋友去饮野。”
妈：“边个朋友啊？”
我：“讲你都唔知。”
妈：“你成日唔讲，梗喺唔知拉！”
我：“xxx。”
妈：“边个嚟架，边度识架？”…..
——永远都系无限延长……所以……我应该一开始就唔答佢！！！
7.“早d翻啊，依家社会复杂，今日报纸先讲有个后生仔比人桶死佐。”
8.“有人跌佐落河，千奇五好跳落去救人啊，一阵你都瓜埋啊！”
9.无男朋友或者女朋友嗰阵：“求其稳住个先啦，唔好嫌三嫌四啦！”；有男朋友或者女朋友嗰阵：“睇多几个先啦，使唔使咁急啊？”
——咁你究竟想我点啫?
10.（吃饭嗰阵）妈：“今日隔离阿陈师奶…… 对面阿李师奶……楼上阿张师奶……楼下阿刘师奶…..”
——阿妈，我饱啦+_+
