氹氹转，菊花园， 炒米饼，糯米圆。 阿妈带我睇龙船。 我唔睇，睇鸡仔。 鸡仔大，捉去卖。 卖得几多钱？ 卖得三百六十五个仙。

河边有只羊， 羊边有只象， 象边有只马骝仔， 好似你咁样。

萝卜头，点豉油， 点得多，咸过头， 点得少，淡茂茂。

肥佬肥腯腯， 买舊猪肉去拜神， 行到半路屎窟痕， 返到屋企瓜老衬。

卖羊卖咩， 卖到老鼠担遮。 狗仔忙住去拉蛇， 蛇摆尾，似风车， 风车氹氹转， 番鬼扒龙船。 扒得快，好世界， 扒得摩，无鼻哥。

落雨溦溦， 水浸田基。 田基有条蛇， 吓亲大老爷。 大老爷揸支枪， 吓亲个缠脚娘。

又喊又笑， 乌蝇打醮， 蠄蟧濑尿， 老鼠行桥， 行到西门口， 畀人打箩柚。

大笨象， 揸支枪（臭松香）， 去打仗（揸支竹仔去打仗）。 打完仗， 返嚟食碗辣椒酱， 隔篱屋企烧炮仗， 问你响唔响， 唔响升你两巴掌。

排排坐，食粉果， 猪拉柴，狗烧火， 猫儿担凳姑婆坐， 坐烂个屎窟唔好赖我， 赖翻隔篱个二叔婆。  

落雨大，水浸街， 阿哥担柴上街卖， 阿嫂出街着花鞋。 花鞋花袜花腰带， 珍珠蝴蝶两边排。 排排都有十二粒， 粒粒圆亮冇疵瑕。