讲呢啲 VS 唔好讲呢啲
例句：
大家咁熟你讲呢啲。
大家咁熟唔好讲呢啲。
反正就系叫你唔好再讲呢啲。
客咩气VS唔使客气
例句：
大家咁熟，客咩气啊。
大家咁熟，唔使客气。
反正去聚会埋单嗰时就系咁讲嘎啦。
有鬼用 VS 冇鬼用
例句：
唔读书，有鬼用啊。
唔读书，冇鬼用啊。
反正就系话你冇用！
你去死啦 VS 你唔好去死
例句：
做人做到你咁，你去死啦！
做人做到你咁，你唔好去死！
反正你就系抵死！
你试下再讲 VS 你唔好再讲
例句：
警告你，你唔好再讲！
警告你，你试下再讲！
反正就系叫你收声！
我唔想嘎 VS 我想嘎
例句：
搞成咁，我唔想嘎。
搞成咁，我想嘎？
反正你就系卸紧膊！
唔好咁啦 VS 做咩咁啫
例句：
你唔好咁啦！
你做咩咁啫！
反正你就唔好咁啦！
又要返工啦 VS 我唔想返工
例句：
好烦啊！又要返工啦！
好烦啊！我唔想返工！
反正你都系要死去返工嘎啦！
你真系好带协 VS 你真系累街坊
例句：
同你做咗咁多年朋友，你真系好带协！
同你做咗咁多年朋友，你真系累街坊！
反正就系想同你绝交！
兜巴星死你 VS 一锤揼死你
例句：
真系想兜巴星死你！
真系想一锤揼死你！
反正就系想打死你，而且打死先停手。
你真系好衰 VS 你真系几好
例句：
其实，你真系好衰。
其实，你真系几好。
反正你都系搵唔到女朋友嘎啦！
我唔饿 VS 我好饿
例句：
唔好同我讲嘢，我唔饿。
唔好同我讲嘢，我好饿。
反正你都系要减肥嘎啦！
