十年前噶广州,过年过节一家团聚有讲有笑。
宜家嘅广州,一家团聚大家却在玩手机,
明明就坐在身边,但感觉就好似远在天边。
同学聚会都一样,十年前同学聚会一定热热闹闹,
不醉无归。
但宜家嘅同学聚会唔系出来玩手机,
就系齐齐来装逼,晒车晒楼晒名牌。
十年前嘅广州,街机唔系诺基亚就系索爱,
宜家嘅广州,就变成苹果手机,
真系睇见都肾痛!
十年前嘅广州,女生照片100%纯天然无添加;
宜家嘅广州,网上的照片约等于照骗,
有一种美女,只能活在社交网络上。
十年前嘅广州,男生喜欢一个女仔,
会认真写一封情书,或者害羞地面对面表白。
宜家嘅广州,各种社交软件泛滥,
追女仔都唔会有咩心思,甚至对你的甜言蜜语,
都可能系群发的!
十年前大家出去旅游都会挂住玩,
或者影相留恋,
影噶相都好自然,然后晒出来慢慢欣赏。
宜家去旅游,唔发朋友圈等于白去!
十年前嘅广州,隔离左右都好熟络,
见面都会打声招呼,
有咩好嘢都会齐齐分享。
宜家嘅广州,唔好话打招呼,
可能住系同一栋大厦几年,
都唔知对方姓乜名乜。
十年前,打机完全靠实力兼团队合作,
甚至打出友情。
宜家打机,靠噶系装备、人民币,
有钱就已经赢佐系条起跑线上了。
十年前,电脑系肥版,你系瘦版;
宜家电脑变成超薄,
而你就变佐加厚版!
十年前嘅广州,扶阿婆过马路系一件好事,
乐于助人值得骄傲。
老人向我微微一笑,我心头一暖。
宜家嘅广州,扶唔扶要霖霖,
点扶又要霖霖,扶噶过程有没人在场又要霖霖,
真系矛盾兼麻烦。
十年前,娱乐圈未有咁乱,靠噶都系实力;
大家追星都系好理智的。
宜家嘅娱乐圈,今日XXX明星出轨、
听日XX离婚、后日XXX有私生子,
真系乱过蜘蛛丝。而明星要红,炒作变成重要环节,
有D粉丝追星就变脑残,理智行为早已抛诸脑后。
十年前嘅广州,可能发展没咁发达,
好多家庭并不富有,
但生活一样好充实,人与人之间隔膜没咁大,
对待陌生人都比较热情。
宜家广州发展迅速,更是一线城市,
生活环境大大改变,但节奏都变得快了,
人与人之间噶距离越来越远,
好多人内心世界都变得十分空虚冷漠。
仿佛一瞬间,十年就咁过去了,
社会越来越进步,广州都发展得好快,
其实无论系广州还是每一个人,
都被时间不断改变,
或者改变都系一件好事,总好过原地踏步吧?
唔知道你哋呢十年,生活上又改变佐D乜呢?