讲嘢方式
香港人：讲嘢习惯随时夹带几个英文单词，并唔系show英文，只系习惯。
广州人：基本上系纯粤语，如果夹啲英文会觉得好怪。
穿衣打扮
香港人：一个字，潮！就算系一啲社会基层人士都打扮的好潮爆。而且香港人特别钟意牛仔裤，老少皆宜，路上是但一个七八十岁嘅阿伯都牛仔裤搭波鞋，穿衣风格十分fashion。
广州人：普遍衣着比较低调，有时食完饭落楼下小区公园散步，有啲大叔人字拖、孖烟囱，你可能以为佢系一个普通嘅中年大叔，其实佢可能系一个身家过千万嘅土豪嚟噶！
走路速度
好多嚟到广州广州生活嘅人都觉得广州生活节奏好快，咁只可以说明佢哋唔了解香港，因为香港嘅生活节奏比广州快咗几个调，小学生行起路嚟都带风噶……
粤语口音
虽然广港两地都系讲粤语，但系口音都有好大差别。真系好容易就可以听得出系港粤语定系广粤语嘞。
广州人：语言精简，干脆，冇尾音，语气稍显刚硬。
香港人：语速较快，懒音较多，语气比较柔和，语气词比较多。
举个例子 普通话：你好，我想请问一下… 广式粤语：唔该，我想问下… 港式粤语：唔该，我想問下嘞… 普通话：你来自哪里？ 广式粤语：你边度人？ 港式粤语：你边度噶？ 除此之外，同一样嘢，广州人同香港人嘅表达都有差别，例如广州人叫“公车”，香港人叫“巴士”；广州人叫“冰箱”，香港人叫“雪柜”……
饮食习惯
讲起“食”，老广们就犀利咯，老字号茶楼、地道小食，摆得落口嘅，老广都唔会抗拒！真系唔唔怪得知有句话叫“食在广州”啦！
而香港，茶餐厅比较多，而且菜餐厅菜色都系西餐比较多，两地饮食文化都系有一定差异。但系两地都有唔少“识食之人”！
语言水平
香港人：多数接受英式教育，所以除咗白话，大多数香港人日常交流都会用英语。香港人教育文化水平相当高，喺条街度是但搵个阿伯都讲得一口流利嘅“鸡肠”，有啲可能仲识几种语言添！另外，大部分香港人同大部分老广相似嘅系，佢哋嘅“煲冬瓜”都好“冬瓜”下。
广州人：日常交流就系清一色粤语，但系讲到“煲冬瓜”，广州人肯定比香港人讲得准小小。只不过广州人“L”“N”不分…..
广州人：“里蓝朋友来了吗？”
使用字体
广州人：简体中文字。
香港人：繁体字，好多香港人唔识睇简体字。
本地文化
广州：广州历史文化十分久远，西关大屋、陈家祠等代表性本地建筑，都有浓厚嘅本地历史文化感，广州系全国数一数二嘅历史名城。
香港：曾经系殖民地城市，接受过多元嘅外来文化，所以比较开放。当然都保留咗唔少香港独有嘅本地文化。
知名度最高嘅谐星
广州：相声演员黄俊英
香港：“栋笃笑”鼻祖黄子华
广州、香港两地文化有唔少差异，但系同时都有唔少相似嘅地方。两个相邻嘅大城市，应该有更加多文化交流同合作，咁样广州香港先会更进一步。
